जापान । आफ्नो जन्मदिनको अवसर पारेर प्रेस चौतारी चितवनका पूर्वसचिव विनोदकुमार सापकोटाले पत्रकार कल्याणकारी कोषमा १० हजार सहयोग गरेका छन् । हाल जापानमा रहेका पूर्वसचिव सापकोटाले प्रेस चौतारी नेपाल जिल्ला शाखा चितवनलाई दश हजार सहयोग गरेका हुन् ।
२०६३ देखि २०६५ सालसम्म प्रेस चौतारी चितवनका सचिव रहेका सापकोटा जापानमा रहेर पनि पात्रकारिकतामा क्रियाशील हुँदै आएका छन् । नेपाली प्रवासी मञ्च जापानका केन्द्रीय सदस्य समेत रहेका सापकोटा पत्रकार महासंघ जापान शाखाका पूर्व उपाध्यक्ष समेत हुन् ।
पत्रकारको स्वास्थ्य उपचारमा सहयोग, संगठन सृढुढीकरण तथा पत्रकारहरुको क्षमता अभिवृद्धिलगायतका कार्यका लागि सहयोगको रकम खर्च गर्ने प्रेस चौतारी चितवनले जनाएको छ ।
अभिमत पत्र डटकमका प्रबन्ध सम्पादकसमेत रहेका पत्रकार सापकोटाले श्रमजीवी पत्रकारहरुका निम्ति आफ्नो तर्फबाट सानो सहयोग गर्न पाएकोमा आफु एकदमै खुसी भएको बताए ।
