एमाले समर्थन फिर्ता लिँदै सरकारबाट बाहिरिने

काठमाडौं । एमाले माओवादी केन्द्रसहितको गठबन्धनको सरकारबाट बाहिरिने भएको छ । ललितपुरको च्यासलस्थित एमाले केन्द्रीय कार्यालयमा आज बिहान बसेको सचिवालय बैठकले सरकारबाट अलग हुने निर्णय गरेको एमालेका उपाध्यक्ष विष्णुप्रसाद पौडेलले जानकारी दिए । 

एमालेले पर्ख र हेरको नीति अवलम्बन गर्दै आगामी फागुन २५ गते राष्ट्रपतिको निर्वाचनसम्म गठबन्धनलाई कायम राख्ने निर्णय गरेको थियो । तर माओवादी केन्द्रले राष्ट्रपतिमा नेपाली कांग्रेसलाई समर्थन गर्ने भएपछि गत पुस १० गतेको सहमति विपरीत भएको भन्दै एमाले सरकारबाट बाहिरिने भएको हो ।

राष्ट्रपतिका लागि माओवादीले कांग्रेसलाई समर्थन गर्ने निर्णय गरेसँगै शनिबार बसेको राप्रपाको सचिवालय बैठकले सरकारको समर्थन फिर्ता लिँदै सरकारबाट बाहिरिएको थियो ।