कैलाली २१ फागुन । नेपाल प्रहरीका उच्च सुरक्षा अधिकारीसहित ९ जनाको हत्या भएकाे टीकापुर घटनाका दाेषीहरुकाे बहस सकिएको कैलाली जिल्ला अदालतले जनाएकाे छ।
मंलगबार न्यायाधीश परशुराम भट्टराईको इजलाशमा वादीतर्फका दुई न्यायधिवक्ता र प्रतिवादी तर्फका ११ जना कानुन व्यवसायीहरूले बहस गरेका थिए । बहस सकिए पनि समय अभावका कारण आज फैसला हुन नसकेकाे हुदा फैसला भाेलि हुने अदालतका श्रेष्तेदार इन्द्र कठायतले जानकारी दिए । ।
२०७२ भदाै ७ गते टीकापुरमा थरुहट र थारुवान संयुक्त संघर्ष समितिले गरेकाे आन्दोलनले हिंसात्मक रुपलिदा वरिष्ठ प्रहरी उपरिक्षक लक्ष्मण न्यौपानेसहित ८ प्रहरी र एक नावालककाे ज्यान गएकाे थियो ।
उक्त घटनामा संलग्न भएकाे आरोपमा ५८ जना बिरुद्ध जिल्ला अदालत कैलालीमा कर्तव्य ज्यान मुद्दा दर्ता गरिएको थियो। ती मध्ये २६ जना जेलमा छन भने बांकी फरार रहेका छन ।
