काठमाडौं। मालपोत कार्यालय चावहिल, काठमाडौंका नायव सुब्बा चन्द्र बहादुर श्रेष्ठले सेवाग्राहीको गोकर्णेश्वर न.पा.-४ मा रहेको ०-१५-२-० जग्गा अन्य व्यक्तिको नाममा जग्गाधनी प्रमाणपूर्जा जारी भएको देखिन आएकोमा सर्वोच्च अदालतमा समेत विचाराधिन रहेको मुद्दामा उक्त विवादित जग्गाको मिसिलको प्रमाणित प्रतिलिपी लिने प्रयोजनका लागि सेवाग्राहीसँग घुस / रिसवत माग गरी दु:ख हैरानी दिएको उजुरीको आधारमा अख्तियार दुरुपयोग अनुसन्धान आयोगबाट पक्राउ परेका छन् ।
अख्तियारटोलीले निज नायव सुब्बा चन्द्र बहादुर श्रेष्ठले सेवाग्राहीसँग रू.२,०००।-( दुई हजार) घुस बापतको रकम लिइसकेको अवस्थामा निजकै कार्यालय परिसरबाट मिति २०७६ जेठ २३ गते रङ्गेहात नियन्त्रणमा लिई अनुसन्धान भैरहेको अख्तियारले जनाएको छ ।
