काठमाडौं । बूढानीलकण्ठ नगरपालिकाका थप ३४ जनामा कोरोना भाइरस (कोभिड–१९) संक्रमण पुष्टि भएको छ ।
बुधबार पीसीआर विधिबाट गरिएको परीक्षणमा नगरपालिकाभित्र बसोबास गर्ने थप ३४ जना संक्रमित भएको बूढानीलकण्ठ नगरपालिकाले जनाएको छ ।
संक्रमित हुनेमा वडा नं. १ मा २ जना, २, ३, ४ र ५ नं. वडामा १/१ जना छन् । वडा नं. ७ मा ६, ८ मा २, १० मा सबैभन्दा धेरै १३, ११ मा २, र १२ मा ५ जना संक्रमित भएको बूढानीलकण्ठ नगरपालिकाले जनाएको छ ।
योसँगै बूढानीलकण्ठ नगरपालिकामा कोरोना संक्रमित हुनेको संख्या ८५४ पुगेको छ । यीमध्ये ३ सय ४१ जना संक्रिय संक्रमित छन् । ३ सय ८ जना होमआइसोलेसनमा र ३३ जना अस्पतालको आइसोलेसनमा उपचाररत रहेको नगरपालिकाले जनाएको छ ।
