बूढानीलकण्ठ नगरपालिकाका थप ४४ जनामा कोरोना पुष्टि 

काठमाडौं । बूढानीलकण्ठ नगरपालिकामा कोरोना भाइरसका थप ४४ केस पुष्टि भएका छन् । पछिल्लो २४ घण्टामा १६ जना भने संक्रमण जित्न सफल भए । 

नगरपालिकाको जनस्वास्थ्य महाशाखाका अनुसार, आइतबार १५ महिला र २९ पुरुष गरी कुल ४४ जनामा कोरोना देखिएको छ । नगरपालिकाको १३ वडामा भने आइतबार शून्य संक्रमण देखियो । योसँगै यो नगरपालिकाका कोरोना संक्रमितको संख्या २१२५ पुगेको छ । 

आइतबार ६ पुरुष र १० महिला गरी १६ जना संक्रमणमुक्त भए । अहिलेसम्म निको हुनेको संख्या १ हजार ६ सय ५६ छ । ४५१ सक्रिय संक्रमित छन् । सक्रिय संक्रमितमध्ये ४२० जना होम आइसोलेसन र ३१ जना विभिन्न अस्पतालमा उपचाररत रहेको नगरपालिकाको जनस्वास्थ्य महाशाखाले जनाएको छ ।