काठमाडौं, २८ मंसिर : मकाउ बडिबिल्डिङ एन्ड स्पोर्ट्स फिजिक च्याम्पियनसिपमा नेपालका महेश श्रेष्ठले स्वर्ण जितेका छन् । उनले पुरुष ७० केजीको बडिबिल्डिङमा स्वर्ण जितेका हुन् ।
चीनका साम चुइले रजत तथा नेपालका प्रवेश अधिकारीले काँस्य जिते । नेपालकै सफल गुरुङ चौथो भए । उक्त स्पर्धामा १४ खेलाडी सहभागी थिए ।
बडिबिल्डिङकै पुरुष ६० केजीमा नेपालका बलु खड्काले काँस्य जिते । उनको यो ‘डेब्यु’ अन्तर्राष्ट्रिय प्रतियोगिता हो । १३ प्रतिस्पर्धी सहभागी स्पर्धामा हङकङका लाइ चि मेङ पहिलो र फिलिपिन्सका मानुएल पेड्रो दोस्राे भए ।
प्रतियोगितामा १ सय २ खेलाडीले सहभागिता जनाएको बताइएको छ ।
न्युज कारखाना
