कुरा सुन्दा अच्चम लाग्न सक्छ तर यो कुरा मोरङ्ग जिल्लाको उर्लाबारी, झापा को दमक, बिर्तामोड र यस आसपासको नजिकको सानो चोक र बजारको यथार्थ हो । यो यथार्थलाई ३३ किलो सुन र सनम हत्याकाण्ड ले उज्जागर गरेको छ । उर्लाबारीमा किराना(खाद्यान्न) पसल, कपडा पसलभन्दा सुन पसल बढी छ । घरै पिच्छे जस्तो सुन पसल छ । मान्छेले खाद्यान्न र तरकारी होइन कि सुन मात्र खानछन् । त्यसैले मान्छेले सुन मात्र किन्छन् । सुन पसल खोल्ने बितिकै यहाँ राताराता घर गाडीको मालिक भएका छन ।
हल्ला त पहिले नै आएको हो, यो सुन पसल देखाउने दाँत मात्र हो । यहाँ सबै अबैध कारोबार हुन्छ भन्ने कुरा पहिले नै आएको हो । तर कसले कसरी गर्छ त्यो मान्छेलाई थाहा थिएन । सुन पसलमा सुन पट्ट्कै बिक्री भएको देखिन्न तर आम्दानी कसरी बढी रहेको छ, त्यो आम मान्छेको चासोको बिषय थियो । उर्लाबारी दक्षिण ४ किमी तल ''दुर्गापुरी'' सानो बजार छ । यहाँ ८ वटा जति सुन पसल छ । किराना पसल २, अनि होट्ल ३ जति छन् । यहाँबाट ४.५ किमी दक्षिण ''सोमबारे'' पर्छ, यो सोमबारको दिन लाग्ने सानो बजार हो ।
यहाँ १२ वटा सुन पसल छन । किराना ३ वटा छन् । यो धेरै नै सानो ग्रामीण बजार हो । एउटा पसलभन्दा अरुले कालिगड समेत राख्न सकेका छैन्न । यहाँ सबै नै राजनीति दलमा आबध्द वा स्थानीय जनप्रतिनिधिले पसल चलाएका छन । यहाँ कसैको सुन बिक्दैन । दैनिक उपभोग्य बस्तुको पसल कम तर सुन पसल कसरी बढी भयो अनि ग्राहक कहाँबाट आउछन र सुन पसल कसरी चल्छ ? सबैको चासोको बिषय थियो । अबैध काम गर्छ भन्ने चर्चा थियो तर प्रमाण थिएन ।
अहिले ३३ किलो सुन र सनम हत्याले त्यो रह्स्य उजागर गरेको छ । प्रहरीले राम्रो खोजबिन गर्ने हो भने यहाँका ९५% सुन पसल बन्द हुन्छन् भने धेरै नै कार्बाहीको दायारमा पर्छन् । मौलाउदै गरेको तस्करी र सङ्गठित अपराध अन्त्य हुन सक्छ । मोरङ्ग झापाको धेरै नै सुन पसलेहरु कार्बाहीको दायारमा आउन सक्छन् । सम्बन्धित निकायले राम्ररी छनबिन गर्न जरुरी छ ।
प्रताप गौतम
रतुवामाई न पा -७ , मोरङ्ग
