बिराटनगर, फागुन ७ गते । १ नम्बर प्रदेश प्रहरी कार्यालय बिराटनगर (RIT) समूहबाट खटिएको प्रहरी टोलीले लेनदेन बिगो मुद्दाका एक जना फरार प्रतिवादीलाई पक्राउ गरेको छ ।
लेनदेन बिगो मुद्दामा मोरङ जिल्ला अदालत विराटनगरको मिति २०७९|१०|२० गतेको सजाय निर्धारण फैसला आदेशले १ वर्ष ९ महिना १४ दिन कैद बेरुजु रहि फरार रहेका मोरङ ग्रामथान गाँउपालिका-२ पडारवानीका ४२ वर्षीय चन्दन कुमार माझीलाई गाउँघरमा नै लुकिछिपी बसेको अवस्थामा फेला पारी पक्राउ गरेको प्रहरीले जानकारी दिएकाे छ ।
पक्राउ परेको माझिलाई सम्मानित मोरङ जिल्ला अदालत दाखिला गराएकोमा कैद भुक्तानको लागि मोरङ कारागार पठाएको छ ।
