प्रधानमन्त्री केपीसंग कुरा \'भएकाे यत्ति हो\'-वामदेव गौतम

काठमाडाैं । २०७७ वैशाख १३ गते नेकपाका पार्टी अध्यक्ष तथा प्रधानमन्त्री केपी ओली र उपाध्यक्ष वामदेव गाैतमबीचकाे भएकाे कुराकानी भन्दै नयाँ पत्रिका दैनिकले मुख्य समाचार बनाएर ''सरकार असफल भयो, पार्टी बदनाम भयो, अब प्रधानमन्त्री र अध्यक्षबाट राजीनामा दिनुस्, बालकोट गएर आराम गर्नुस् : वामदेव ।‬'' २०७७ वैशाख १४ गते समाचार प्रकाशित गरेपछि त्यसकाे प्रतिकार गर्दै वामदेव गाैतमले हस्तलिखित प्रेस नाेट जारी गरेका छन् ।

$\"\"$
नेकपा उपाध्यक्ष वामदेव गाैतमद्वारा जारी जारी प्रेस नाेटमा भनिएकाे छ- ''हिजो (१३ गते) प्रधानमन्त्री क.केपी ओली र मेराबीच भएका कुराकानीका सम्बन्धमा मनमौजी किसिमले टिकाटिप्पणी भएको मैले पाएँ । पार्टीभित्र र पार्टी र सरकारका बीच, अनि अन्य पार्टी र सरकारका बीच उत्पन्न समस्या समाधान कसरी गर्ने भन्ने सम्बन्धमा छलफल भएको थियो ।''
''समय र परिस्थिति प्रतिकूल जारी अध्यादेशहरु खारेज गरिएपछि पनि अनेकौँ समस्या पार्टीभित्र उत्पन्न भएका छन् ।''

''यी समस्या समाधान पार्टी र पार्टी कमिटीलाई बाइपास गरेर गरेर होइन, प्रधानमन्त्रीले प्रत्यक्ष छलफल गरेर र सबै किसिमका विचारहरुको सामना गरेर मात्र गर्न सकिन्छ । तसर्थ, सचिवालय, स्थायी कमिटी र आवश्यक परे केन्द्रीय कमिटीको बैठक बोलाउनुस् । सबभन्दा पहिले सचिवालय बैठक बोलाउन र सबै कमरेडहरुको सुझावलाई सम्मान गर्दै साझा प्रयत्नबाट समस्या समाधान गर्नोस् भनेर मैले प्रधानमन्त्रीलाई सुझाव दिएको हुँ । उहाँले धैर्यतापूर्वक मेरो सल्लाह सुन्नुभयो, थोरै बोल्नुभयो, म बिदा भएर आएँ । भएको यत्ति हो । सबैलाई यही जानकारी लिन विनम्र अनुरोध गर्दछु ।''