काठमाडौं । २०७७ साउन ६ गते बसेको मन्त्रिपरिषद्को बैठकले कोरोना महामारी रोकथामका लागि लगाइएको लकडाउनको अन्त्य गर्ने निर्णय गरेको छ । नेपाल सरकारका प्रवक्ता तथा अर्थ र सञ्चार तथा सूचना प्रविधिमन्त्री डा.युवराज खतिवडाले चैत ११ गतेदेखि सरकारले लगाएको लकडाउन अन्त्य भएको जानकारी दिए । काेराेनाका बिरामी बढ्दै गइरहे पनि सरकारले लकडाउन हटाएकाे हाे ।
सरकारले साउन १५ देखि होटल रेस्टुरेन्टहरु खोल्न दिने निर्णय गरेतापनि सामुहिक भोज, पार्टी र सेमिनारजस्ता गतिविधि सञ्चालन गर्ने अनुमति भने दिएको छैन ।
सरकारले साउन भदौ १ देखि विद्यार्थी भर्ना सुरु गर्ने, परीक्षा कार्यक्रम तथा शैक्षिक गतिविधि सञ्चालन गर्न सकिने निर्णय गरेको छ । त्यसैगरी, भदौ १ गतेदेखि नै छोटा, मध्यम र लामो दूरीका यात्रुबाहक सवारीसाधनहरु सञ्चालन गर्न दिने, आन्तरिक तथा बाह्य व्यावसायिक हवाई उडान खुला गर्ने निर्णय पनि गरेको छ ।
२०७७ साउन ६ गते बसेको मन्त्रिपरिषद्को बैठकले गरेकाे निर्णयहरू निम्न रहेकाछन् –
