काठमाडौं । केन्द्रीय कारागारका एक कोरोना संक्रमित कैदीको मृत्यु भएको छ ।
मेगा अस्पतालमा उपचाररत ती कैदीको सोमबार मृत्यु भएको केन्द्रीय कारागारले जनाएको छ ।
०७७ भदौ १० गते कोरोना परीक्षणका लागि उनको स्वाब संकलन गरिएको थियो । त्यसको ४ दिनपछि भदौ १४ गते उनको पोजेटिभ रिपोर्ट आएको कारागार स्रोतले जनाएको छ ।
कोरोनाका कारण ज्यान गुमाउने व्यक्ति ४० वर्षीय पुरुष हुन् । कञ्चनपुर कारागारमा रहेका उनलाई केही समयअघि केन्द्रीय कारागार सारिएको थियो ।
कारागार स्रोतका अनुसार, ती कैदी क्षयरोगबाट पीडित थिए ।
केन्द्रीय कारागारमा कैदीबन्दीको उपचार गर्न अस्पताल छ । जहाँ अहिले ७ सय जना बिरामी कैदीबन्दी छन् ।मंगलबार मात्रै पनि त्यहाँ २ जना कैदीको मृत्यु भएको थियो । यद्यपि, उनीहरुमा भने कोरोना देखिएको थिएन ।
मंगलबार बिहान थप २ जना कैदीको पनि उपचारका क्रममा मृत्यु भएको छ । तर, कोरोना परीक्षणको रिपोर्ट नेगेटिभ आएको थियो ।
