काठमाडाैं । संघीयता विरूद्ध संघर्ष गर्दै आएकाे संघीय व्यवस्थाकै पूर्व उपप्रधानमन्त्री अध्यक्ष चित्रवहादुर केसीकाे नेतृत्वमा रहेकाे राष्ट्रिय जनमाेर्चाले पाँचसूत्रीय नारा तय गर्दै आन्दाेलन गरेकाे घाेषणा गरेकाे छ । राष्ट्रिय जनमाेर्चाले घाेषणा गरेकाे आन्दाेलनकाे मूल नारा चाहिं “गणतन्त्र, राष्ट्रियता र धर्म निरपेक्षताको रक्षा गरौँ, संघीयता र भ्रष्टाचारका विरुद्ध संघर्ष गरौँ !” रहेकाे छ ।
राष्ट्रिय जनमाेर्चाका अध्यक्ष अध्यक्ष चित्रवहादुर केसीद्वारा २०७७ मंसिर २१ गते प्रेस विज्ञप्तिमार्फत घाेषणा गरिएका नाराहरू कार्यक्रम निम्न रहेका छन् ।
१. हाम्रो “गणतन्त्र, राष्ट्रियता र धर्म निरपेक्षताको रक्षा गरौँ, संघीयता र भ्रष्टाचारका विरुद्ध संघर्ष गरौँ !” भन्ने मूल नाराका साथ हुने संघर्षका कार्यक्रमको स्वरुपमा केही फेरबदल गरिएकोले त्यसको जानकारीका लागि यो प्रेस वक्तव्य जारी गरिएको छ ।
२. मंसिर २२ गते १ बजे राष्ट्रिय जनमोर्चा केन्द्रीय कार्यालयको आयोजनामा हुने “गणतन्त्र, राष्ट्रियता र धर्म निरपेक्षताको रक्षा गरौँ, संघीयता र भ्रष्टाचारका विरुद्ध संघर्ष गरौँ !” भन्ने विषयमा हुने अनलाइन कार्यक्रम यथावत् छ । त्यसमा पार्टीका साथीहरु र जनसमुदाय समेत जोडिन सक्नुहुने छ ।
३. मंसिर २५ गते जिल्लास्तरमा देशव्यापी रुपमा खुला सभा तथा कोणसभाको कार्यक्रमहरु हुने छन् । यस्ता कार्यक्रमहरु प्रवासमा समेत हुने छन् ।
४. मंसिर २६ गतेदेखि पौष १० गतेसम्म जिल्ला, पालिका वा वडा स्तरमा सभा, कोणसभा, अन्तरक्रिया, पर्चा वितरण, विरोध प्रदर्शन, जुलुस, दौड, मोटरसाइकल ¥याली र अनलाइनबाट समेत कार्यक्रम गर्न सकिने छ ।
५. उक्त कार्यक्रमहरुलाई व्यापकरुपमा सफल पार्न पार्टीका सबै स्तरका समिति एवं आम जनसमुदायहरुमा हार्दिक अपील गर्दछौँ ।
(तस्विर : गुगल)
