नेपाली सेनाका खेलाडीहरु व्याडमिन्टन प्रतियोगितामा विजयी

काठमाडाैं । रिभाईभ लिजर पार्क स्थापनाको उपलक्ष्यमा मिति २०७८ असाेज १ गतेदेखि  २०७८ असाेज ०५ गतेसम्म काठमाण्डौमा संचालन भएको "प्रथम रिभाईभ लिजर पार्क खुल्ला राष्ट्रिय व्याडमिण्टन च्याम्पियनसिप २०७८” मा नेपाली सेना त्रिभुवन आर्मी क्लबका खेलाडीहरुले स्वर्ण पदक-२, रजत पदक-१ र कास्य पदक-२ गरी कुल जम्मा ५ पदकहरु प्राप्त गर्न सफल भएको नेपाली सेनाले जानकारी दिएकाे छ ।

  उक्त च्याम्पियनसिपको पुरुष एकलतर्फको विधामा नेपाली सेनाका रत्‍नजित तामाङले स्वर्ण र प्रफुल महर्जनले कास्य पदक हासिल गर्न सफल भएका थिए भने महिला एकलतर्फको विधामा रसिला महर्जनले स्वर्ण, अनुमाया राईले रजत तथा अमिता गिरीले कास्य पदक हासिल गरेका थिए ।