काठमाडौं, १५ मंसिर । गुरुङ स्पोर्ट्स हाउसको आयोजनामा सञ्चालित प्रथम गुरुङ स्पोर्ट्स हाउस कप राष्ट्रिय खुला भेट्रान्स पुरुष भलिबल प्रतियोगिताको बुधबार भएको खेलमा प्रदेश तीनलाई मिश्रित परिणाम हात लागेको छ ।
प्रदेश तीनको रातो टोलीले चितवनको कर्पाकेली युवा क्लबलाई २५–१७, २५–१८ ले हरायो । नेपाल भलिबल संघले प्रदेश तीनको निलो टोलीलाई २०–२५, २५–२०, १५–११ ले हरायो ।
अर्को खेलमातनँहको भिर्लुङले धादिङ एडभान्सलाई २५–१३, २५–२३ ले हरायो । आयोजक गुरुङ स्पोर्ट्स हाउसले साझायातायातसँगको खेलमा २५–२३, २५–१८ ले सफलता पायो । मडाल स्पोर्ट्स क्लबले प्रदेश एकको रातो टोलीलाई १६–२५, २५–१९, १५–१३ ले हरायो ।
प्रदेश एक सेताले धादिङ एडभान्ससँगको खेलमा २५–७,२५–१९को सफलता पायो ।
ढोरपाटन भलिबल प्रशिक्षण केन्द्र नयाँबसपार्कमा जारी प्रतियोगिताको लागत १५ लाख रुपैयाँ रहेको छ । प्रतियोगितामा १६ टोलीको सहभागिता रहेको छ ।
प्रतियोगितामा ४० वर्ष भन्दामाथिको खेलाडीहरूको सहभागिता रहेको छ । प्रतियोगिताको उपाधि विजेताले १ लाख ११हजार १ सय ११ रुपैयाँ पुरस्कार पाउने छ भने उपविजयी टोलीले ६१ हजार १सय ११ तथा तेस्रो हुने टोलीले ३१ हजार १ सय ११ रुपैयाँ पुरस्कार पाउने छन् ।
चौथो हुने टोलीले ११ हजार १ सय ११ रुपैयाँ पुरस्कार पाउने छन् । प्रतियोगिता लिग नकआउटको आधारमा हुनेछ । एक टोलीमा पाँच खेलाडी समावेश हुनेछन् । चार खेलाडी मैदानमा उपस्थित हुने प्रावधान छ ।
न्युज कारखाना
