काठमाडौं, चैत्र १६ \\ केही हप्ताअघि मयुर यातायात बस सेवाले ऐन,नियमबमोजिम र सरकारी प्रकृयाहरु पूरा गरी रिङ्गरोड घुमेर बनेपा रुटमा सुविधायुक्त आधुनिक बसहरु चलाउनथाल्यो।
“यो रुटमा कसैलाइ चलाउन दिंदैनौं” भन्दै यातायात ब्यवसायी महासङ्घले भयङ्कर राक्षसी दादागिरी देखायो।
सो रुटमा लामो समयदेखि कब्जा जमाउँदै आएका अरनिको लगायत यातायात व्यवसायीहरुले सेवा नै रोकेर आन्दोलन गर्न लागेका हुन्। मयुरले वाइफाई सहितको २४ वटा बस चैत १ गतेदेखि सो रुटमा चलाउन थालेको छ। वाइफाईको सुविधासहित मयुरले १० वर्षमुनिका बालबालिका तथा ६५ वर्ष माथिका वृद्ध/वृद्धालाई नि:शुल्क सेवा दिँदै आएको छ।
यात्रुहरुले मयुरकै सेवा मन पराएपछि सो रुटमा लामो समयदेखि कब्जा जमाउँदै आफ्नो एकलौटी बिर्ता बनाउँदैआएका अरनिको लगायत यातायात व्यवसायीहरुले मयुर बस सेवाका बसलाइ ढुङ्गामुढा, तोडफोड गरेका हुन्।
प्रधानमन्त्री तथा मन्त्रीपरिषद् कार्यालयले यातायात व्यवस्था विभागलाई पत्राचार गरी देशभरिका सिन्डिकेट तोड्न कडा कदम चाल्न निर्देशन दिएको थियो।
यातायात ब्यवसायी महासङ्घको दादागिरीको बिषयमा sanghunews.com ले समाचार र लेखहरुमार्फत् बहस चलाएको थियो।
Sanghunews.com का समाचार, लेख र बहसको परिणाम अहिले देखिएको छ। यातायात ब्यवसायीको सिण्डिकेटबिरुध्द प्रधानमन्त्री कडा रुपमा प्रस्तुत भएका छन्।
यातायात व्यवस्था विभागलाई प्रधानमन्त्री कार्यालयले सोझै पत्र लेखेको छ। पत्रमा भनिएको छ, “नयाँ व्यवसायीले बस ल्याए सहज रुपमा उसले मागेकै रुटमा अनुमति दिनू, यातायात समितिहरुसँग सम्बन्ध नै नराख्नू ।”
