काठमाडौँ, ११ जेठ : काठमाडौँ महानगरपालिकाको प्रमुख पदको स्वतन्त्र उम्मेदवार बालेन्द्र साहले मत गणनाकाे पछिल्लाे नतिजा अनुसार, ५४ हजार ७१८ मत प्राप्त गरेका छन् । याे मतकाे साथै साहले विजय अब निश्चित बनाएका छन् । जारी मतगणना अनुसार नेपाली कांग्रेसका उम्मेदवार सिर्जना सिंहले ३४ हजार ६०८ मत प्राप्त गरेकी छिन ।
यसैगरी तेस्राे स्थानमा झरेका नेकपा (एमाले)का उम्मेदवार केशव स्थापितले ३३ हजार ९७५ मत ल्याएका छन भने सुमन सायमी ९,९६३ मत ल्याएका छन् । उपप्रमुखमा सोही पार्टीकी उम्मेदवार सुनिता डङ्गालले सबैभन्दा बढी ५१ हजार २०७ मत ल्याएर अग्रस्थानमा रहेकी छिन् ।
उपप्रमुखमा नेकपा (एकीकृत समाजवादी)का रामेश्वर श्रेष्ठले १५ हजार ६७० मत प्राप्त गरेका छन् । उपप्रमुखका उम्मेदवारहरू मत जेठ १० गते विहानदेखि नै अपडेट भएकाे छैन ।
अहिलेसम्म गनिसकिएको मत १,६८,४८७ रहेकाे छ । अब गन्न बाँकी ५ वडा वडा नं १३,१४,१५,१६,१७ (कालिमाटी, कलंकी, डल्लु, सोह्रखुट्टे र क्षेत्रपाटी)काे मत २२,४६५ (१२%) मत रहेकाे छ । महानगरपालिका प्रदर्शनीमार्गस्थित राष्ट्रिय सभागृहमा मतगणना भइरहेको छ ।
अहिले वडा नं १३, १४, १५, १६, १८, २० र २२ को मतगणना कार्य जारी छ । वडा नं १, २, ३, ४, ५, ६, ७, ८, ९, १० , ११, १२, २१, २३, २४, २५, २६ २७, २८, २९ ३०, ३१ र ३२ को मतपरिणाम सार्वजनिक भइसकेको छ ।
(तस्बिर : सुनिता डंगाेलकाे फेसबुक ग्रुपबाट)
