काठमाडौं । एमाले र माओवादी केन्द्रबीच एकताको सूत्रधारकारुपमा चर्चा पाएका पूर्वमाओवादी नेता जनार्दन शर्माको सपना चकनाचुर भएको छ । हुन पनि एमाले र माओवादी केन्द्रलाई एकीकरण गर्न सानोतिनो प्रयास गरेका थिएनन् । शर्मासहितको टोली एकताको वातावरण बनाउदै जाने उता एकताविरोधी समूह विगार्दै जाने अवस्था थियो ।
जोखिमपूर्ण यात्रा गरेर एकीकरणको पाटो सल्टाउन महत्वपूर्ण भूमिका निर्वाह गरेका शर्माको सपना एकीकृत पार्टी नेकपाको सचिव बन्ने थियो । स्रँेत भन्छ, उनलाई अध्यक्ष्ँ प्रचण्ड र केपी ओलीले ग्रिन सिग्नल समेत दिएका थिए । साथ दियो पूर्व एमाले नेता विष्णु पौडेलको । तर, सबैलाई टप्दै एमाले उपमहासचिव पौडेल नेकपाको शक्तिशाली पद महासचिव बन्न सफल भए । तर, शर्मा हाईकमाण्डको सदस्य हुन सकेनन् । अहिले स्थायी समितिमा मात्रै पर्ने देखिएको छ ।
स्रँेतका अनुसार, शर्मालाई रोक्न पूर्वमाओवादीभित्र प्रशस्त कसरत भएको थियो । स्रँेत भन्छ, पूर्वमाओवादी केन्द्रभित्रकै केही नेताहरू जसरी पनि शर्मालाई अगाडि जान दिने पक्षमा छैनन् । शक्ति वस्नेत, चन्द्रप्रकाश खनाललगायतको टोली खुलेर शर्माको विपक्षमा लागेको चर्चा छ ।
हुन त यसअगाडि सचिव भइसकेका गिरिराजमणि पोखरेल, बर्षमान पुन, टोपबहादुर रायमाझी पनि शर्माको विपक्ष्ँमा थिए भने कोषाध्यक्ष भएका हरिबोल गजुरेल पनि शर्माको पक्ष्ँमा देखिएनन् । यो टोली शर्मालाई सकेसम्म रोक्ने खेलमा लाग्यो । त्योभन्दा बढी चँहिं बर्षमान पुन नै शर्मालाई रोक्न लागे जसले गर्दा शर्माको सचिव हुने सपना चकानाचुर भयो । स्रँेतको दावी छ, माओवादी केन्द्रका अन्य नेताभन्दा अहिले प्रचण्ड र ओलीका विश्वासपात्रमा शर्मा नै पर्छन् ।
अहिले हाइकमाण्डमा दुई जना नेता थप्ने हल्ला पनि चलेको छ । ९ सदस्यीय हाइकमाण्डमा पूर्वएमाले र पूर्वमाओवादी केन्द्रबाट १÷१ जना थप्ने चर्चा चलेको हो । पूर्व एमालेमा अहिल भीम रावललाई हाइकमाण्डमा नराखेपछि चर्को असन्तुष्टि बढेको छ । त्यसलै रावल र शर्मालाई थपे हाइकमाण्ड ११ जनाको बनाउने बारे चर्चा चलेको भएपनि संख्या थप गर्दा महिला, मधेशी भन्दै समावेशीको मुद्दा उठ्ने भएका कारण तत्काल यो संख्या बढाउने पक्षमा नेताहरू देखिएका छैनन् । स्रँेत भन्छ, अध्यक्ष केपी ओली र प्रचण्डमाथि थामी नसक्नु दबाब रहेको छ । स्वयम् महासचिव विष्णु पौडेलले पनि आफ्नो सहजताका लागि शर्मालाई थप गर्न चाहेका छन् ।
