भोजपुर र धनकुटाको सीमाना लेगुवाघाटस्थित अरूण नदीमाथि बेलायत सरकारले ग्रामीण पहुँच कार्यक्रममार्फत अनुदानमा करिब १० वर्ष अघि निर्माण सम्पन्न गरेर संचालन गरिदिएको थियाे ।
![\"\"](\"https://sanghunews.com/uploads/news/images/Pool%201.jpg\")
नेपालको सबैभन्दा लामो १२० मिटरको सिंगल स्पान स्टिल पुलमा लगाइएको ८ वटा नटबोल्ट भाँचिएपछि १० टन भन्दा बढी तौलको गाडीलाई रोक्दै सवारी साधनलाई आलोपालो नियन्त्रण गरेर प्रवेश गराउन थालिएको छ ।
यो पुल तत्कालीन नेपाल सरकारका अध्यक्ष खिलराज रेग्मीले उद्घाटन गरेर सवारी संचालन आरम्भ गरेका थिए भने उक्त उद्घाटन समारोहमा डोलिडारको तत्कालीन प्रमुखका हैसियतले म पनि साथै उपस्थित थिएँ ।
उक्त समारोहमा तत्कालीन स्थानीय विकास मन्त्री विद्याधर मल्लिक, तत्कालीन गृहमन्त्री माधव घिमिरे(हाल स्वर्गीय.), तत्कालीन मुख्यसचिव लीलामणि पौडेल पनि उपस्थित थिए ।
पुलको नियमित सामान्य हेरचाह, मर्मतमा भएको लापरवाहीले यस्तो समस्या आएको देखिन्छ । बेलाबेलामा नटबोल्ट निगरानी गर्ने, फेर्ने गरिरहनु पर्ने हो । यो काम सडक विभागको हो।
