बेइजिङ, १३ भदौ । चीनबाट एउटा अचम्मको खबर आएको छ । चिनियाँ सञ्चारमाध्यमका अनुसार एक चिनियाँ व्यक्तिले आफ्नी प्रेमिकालाई १० मिनेटसम्म लगातार किस गरेपछि उनलाई अस्पताल लैजानुपरेको छ ।
मिडिया रिपोर्टका अनुसार आफ्नी प्रेमिकासँग लिप लक गरेपछि ती व्यक्तिले आफ्नो कान गुमाए ।
मिडिया रिपोर्टमा भनिएको छ कि २२ अगस्टमा प्रेमी र प्रेमिकाले चुम्बन गरिरहेका थिए तब अचानक प्रेमीले आफ्नो कानमा तीव्र दुखाइ महसुस गरे । ती जोडी चीनको पूर्वी झेजियाङ प्रान्तको वेस्ट लेकमा डेट गर्न गएका थिए । उनलाई अस्पताल पुर्याउँदा डाक्टरले उनको कानको पर्दामा प्वाल भएको बताए । उनलाई पूर्ण रुपमा निको हुन दुई महिना लाग्ने बताइएको छ ।
डाक्टरहरूले भावुक चुम्बनले कान भित्रको हावाको चापमा द्रुत परिवर्तन ल्याउने बताए । रिपोर्टमा भनिएको छ कि चुम्बनको क्रममा एक पार्टनरले छिटो सास फेर्दा अर्को पार्टनरको श्वासप्रश्वासमा असन्तुलन सिर्जना हुन्छ, जसले कान छेड्न सक्छ ।
मिडिया रिपोर्टमा भनिएको छ कि यो पहिलो पटक होइन। यसअघि पनि २००८ मा दक्षिणी चीनमा एक युवतीले आफ्नो प्रेमीले भावुक चुम्बन गर्दा उनको कानको पर्दा च्यातिएपछि आंशिक रूपमा उनको कान गुमाउनु परेको थियो ।
