काठमाडौं । नेकपा एमालेका अध्यक्ष केपी शर्मा ओलीले राष्ट्रपति रामचन्द्र पौडेलले बुढेसकालमा राष्ट्रपति पाएकोमा कृतज्ञता भएर सरकारले गरेको नराम्रो काममा पनि साथ दिने गरेको आरोप लगाएका छन् ।
२०८० असाेज ५ गते शुक्रबार पार्टी कार्यालय च्यासलमा आयोजित कार्यक्रमलाई सम्बोधन गर्दै उनले सरकारले राजनीतिक अपराधीकरण र अपराधीकरणको राजनीति गरिरहेको भन्दै राष्ट्रपति पौडेलले बुढेसकालमा राष्ट्रपति पाएकोमा कृतज्ञता भएर साथ दिएको आरोप लगाएका हुन् ।
उनले भने, ‘सरकारले राजनीतिक अपराधीकरण र अपराधीकरण को राजनीति गरिरहेको छ । अपराधी जेलमा बस्नुपर्दैन प्रोफेसरको ढाड भाँच्यो भने मुद्दा फिर्ता लिन्छ । राष्ट्रपति महोदय बुढेसकालमा राष्ट्रपति पाएकोमा कृतज्ञता हुनुहुन्छ । अ जे लग्यो त्यो बढो खुसीको साथ लिने यो अवस्थामा छ ।’
उनले सरकारले हिंसा फैलाउनका लागि फागुन १ गतेलाई राष्ट्रिय उत्सव घोषणा गरेकामा असहमति जनाउँदै भने, ‘सरकारको ध्यान कता छ भने हिंसा गरेको दिन फागुन १ गतेलाई राष्ट्रिय उत्सव घोषणा गर्ने बिदा दिने हिंसा सुरु गरेको दिनलाई । एड्स चाहिँ रोक्नका लागि मनाइन्छ । हिंसा दिवस रोक्नका लागि होइन फैलाउनका लागि हो ।’
