मलेसियाले दियो नेपाललाई १ सय ६६ रनको लक्ष्य

काठमाडौं । टी–२० विश्वकप फाइनल एसिया छनोटमा मलेसियाले नेपालसामु १ सय ६६ रनको लक्ष्य दिएको छ । समुह चरणको ए मा रहेका नेपाल र मलेसिया बिचको कीर्तिपुर क्रिकेट मैदानमा भएको खेलमा मलेसियाले टस जितेर ब्याटिङ रोजेपछि नेपालले फिल्डिङ गरेको थियो ।

जारी खेलमा राम्रो सुरुवात गरेको मलेसियाले २० ओभरको समाप्तीमा ९ विकेट गुमाउँदै १ सय ६५ रन बनाउन सफल भयो । 

मलेसियाको व्याटिङलाई दबाबमा राख्न नेपालका लागि अविनास बोहराले सर्वाधिक ४ विकेट लिए । सन्दीप लामिछाने, गुल्सन झा र रोहित पौडेलले १/१ विकेटको योगदान गरे । 

मलेसियाका लागि सईद अजिजले सर्वाधिक ६८ रन, जुबैदी जुल्कफीले २४ रनको योगदान गरे ।