सिन्धुपाल्चोक, २९ कात्तिक । सिन्धुपाल्चोकमा सडक दुर्घटना हुँदा एक पुरुषको घटनास्थलमै निधन भएको छ ।
कात्तिक २९ गते दिउँसो चौतारा साँगाचोकगढी नगरपालिका ५, कामिटोल स्थित बा २ ख ८२१३ नं को निशान ट्रक दुर्घटना हुँदा काभ्रे पनौती निवासी अन्दाजी ३५ वर्षीय राजु श्रेष्ठको घटनास्थलमा नै निधन भएको हो ।
ससुरालीमा आफैले ट्रक चलाएर गएका श्रेष्ठ फर्किदा ट्रक ब्याक गर्ने क्रममा सडकबाट अन्दाजी ५०० मीटर तल खसेको जिल्ला प्रहरी कार्यालय सिन्धुपाल्चोकका प्रहरी निरीक्षक संजिव कुमार यादवले साँघुकर्मीलाई जानकारी दिए ।
प्रहरी निरीक्षक यादवको अनुसार घटनाबारे थप अनुसन्धान भइरहेको छ ।
