झापा, मंसिर १२ गते । झापाको अर्जुनधारा नगरपालिका-८ शनिश्चरे स्थितबाट चोरीको मोटरसाईकल सहित १ जनालाई प्रहरीले पक्राउ गरेको छ । पक्राउ पर्नेमा बिर्तामोड नगरपालिका- ५ का २१ वर्षीय महमद अफरोज मिया रहेका छन ।
हिजो मंसिर ११ गते पाँचथरको हिलिहाङ गाउँपालिका- २ घर भई हाल बिर्तामोड नगरपालिका- १ स्थित बस्दै आएका प्रेम कुमार श्रेष्ठको मे. १० प ६१२६ नम्बरको मोटरसाईकल पार्किङ गरी राखेको अवस्थामा पार्किङ स्थलबाटै चोरी भएको सूचना पाएसंगै खोजतलासमा खटिएको इलाका प्रहरी कार्यालय अनारमनीबाट पक्राउ गरेकाे हाे ।
प्रहरी टोलीले अर्जुनधारा- ८ स्थित उक्त मोटरसाईकल फेला पारी मोटरसाईकल चोरीमा संलग्न मियालाई पक्राउ गरेको हो । चोरीको मोटरसाईकल सहित पक्राउ परेका उनको सम्बन्धमा थप अनुसन्धान भईरहेको छ ।
