हालै एकजना २५ बर्षीया इराकी महिलाले एकैदिन सात बच्चालाई जन्म दिएर चर्चित भएकी छिन् । यसमा ६ जना छोरी र एक जना छोरा छन् । पूर्वी इराकको दियाली प्रान्तको अस्पतालमा उनले बच्चाहरूलाई जन्म दिएकी हुन् । खबरका अनुसार सबै बच्चाहरूको स्वास्थ्य सामान्य छ । २५ बर्षीया आमा पनि स्वस्थ रहेको अस्पतालले जनाएको छ । बच्चाका बाबु युसूफ फादले आफ्नो परिवार बढाउने कुनै पूर्व योजना नबनाएको बताए ।
यो घटनाभन्दा पहिले पनि सन् १९९७ मा एक अमेरिकी महिलाले सात बच्चालाई जन्म दिएकी थिइन । इराककै इतिहासमा कुनै महिलाले एकैसाथ सात बच्चालाई जन्म दिएको पहिलो घटना मानिएको छ । सात बच्चाको जन्म पछि बच्चाको बाबुले आफू खुसी भएको बताएका छन् ।
