भारतमा पहिलो रोबोट सेवा रेस्टुरेन्ट 

अब हाम्रो छिमेकी देश भारतका रेस्टुरेन्टमा पनि रोबोटले सेवा दिने भएका छन् । भारतको तमिलनाडु राज्य चेन्नईको एक रेस्टुरेन्टमा रोबोट वेटरले सेवा दिने गरेका छन् । मो मो नाम गरेको एक चाइनिज रेस्टुरेन्टमा थाई तथा चिनियाँ खाना उपलब्ध गराइन्छ । रोबोट वेटरका कारण नै यस होटल पहिलेदेखि नै चर्चामा छ । भारतभन्दा पहिले एसियाका अन्य मुलुकको रेस्टुरेन्टमा रोबोटहरूले सेवा दिने गरेको त सुनिएकै थियो । भारतमा भने यो पहिलो हो । चीनको रेसटुरेन्टहरूमा त वेटरले केवल सर्भिस मात्र नभई कुक पनि गर्दछ । सिंगापुरमा पनि रोबोटिक वेटर रेस्टुरेन्ट छ । त्यसैगरी पाकिस्तान तथा बंगलादेशमा पनि यस्ता रोबोटहरू रहेका छन् ।