कामकाजी महिलामा स्तन क्यान्सरको खतरा 

कार्यस्थलमा महिलामाथि भेदभाव र पूर्वाग्रहका कारण महिलाहरू बढी तनावमा आउने र यसका कारणले गर्दा कामकाजी महिलाहरूमा स्तन क्यान्सर अधिक मात्रामा नाटकीयरुपमा वृद्धि भइरहेको एक नया“ अध्ययनले खुलासा गरेको छ । सामान्य महिलाहरूलाई भन्दा ७० प्रतिशत बढी क्यान्सरको सम्भावना व्यस्त र कामकाजी महिलाहरूलाई हुने भर्खरै बेलायतमा भएको एक अध्ययनको तथ्यांक सार्वजनिक भएको हो । सन् १९७० को दशकका महिलाहरूमा केही दशकको अध्ययन पश्चात अहिले आएर यसले निष्कर्र्ष पाएको हो । यसमा महिलामा हुने तनावका कारण स्तन क्यान्सरको सम्भावना अधिक रहने देखिएको थियो । जति महिलाहरू अधिक समयसम्म नोकरी गर्दथे उनीहरूमा त्यति नै बढी क्यान्सरको खतरा बढेको देखिएको थियो । यस अध्ययनमा यस्तै करीब चार हजार महिलाहरू समावेश गरिएको थियो । यस अध्ययनको रिपोर्ट द इन्डिपेन्डेन्ट पत्रिकामा प्रकाशित गरिएको छ ।