काठमाडाैं । सत्ताधारी दल नेपाल कम्युनिस्ट पार्टी (नेकपा) को सचिवालय बैठक आज बस्दैछ ।
नेकपाकाे प्रचार विभाग उपप्रमुख सूर्य थापाका अनुसार, २०७७ साउन ४ गतेदेखि हुन नसकेकाे पार्टी सचिवालयकाे बैठक आज ९:३० बजे बालुवाटारमा हुने तय भएकाे छ ।
बैठक प्रधानमन्त्री निवास बालुवाटारमा बस्ने तय भएको छ ।
पार्टीभित्रको विवाद समाधानका लागि विष्णु पौडेलको संयोजकत्वमा ६ सदस्यीय कार्यदल गठनपछि पहिलोपटक नेकपा सचिवालय बैठक बस्न लागेको हो ।
कार्यदल गठनपछि खासगरी माधव नेपाल, झलनाथ खनाल र नारायणकाजी श्रेष्ठले प्रश्न उठाएका छन् । आज बस्ने बैठकले यसबारे उठेका आशंका निराकरण गरेर कार्यदललाई काम गर्न मार्गप्रशस्त गर्ने अनुमान गरिएको छ ।
यसबाहेक अन्य विविध समसायमिक राजनीतिक विषयमा पनि छलफल हुने नेताहरूले बताएका छन् ।
