काठमाडौं । कोरोना भाइरस संक्रमणबाट नेपाल वैदेशिक रोजगार व्यवसायी संघका अध्यक्ष विष्णुप्रसाद गैरेको निधन भएको छ ।
एक साताअघि पीसीआर विधिबाट कोरोना परीक्षण गरिएकोमा उनको रिपोर्ट पोजेटिभ आएको थियो । लगत्तै उनी काठमाडौं मेडिकल कलेज भर्ना भएका थिए । त्यहाँ भेन्टिलेटरमा राखेर उनको उपचार गरिए पनि चिकित्सकले बचाउन सकेनन् ।
गैरेको २०७८ वैशाख ३० गते बिहीबार साँझ ६ बजे उपचारकै क्रममा निधन भएको काठमाडौं मेडिकल कलेजले जनाएको छ ।
