चिल्लो पदार्थका कारण मुटुको धमनी साँघुरिएर मानिसहरू मृत्यु हुन सक्दछ् । यसलाई एथेरोसक्लेरोसिस पनि भनिन्छ । हालै एक जर्नलमा प्रकाशित भएको अध्ययनले अनारको प्रयोगले यस रोगबाट संरक्षण गर्ने र सामान्य प्याथोलोजीसँग सम्बन्धित रोगहरूविरुद्ध लड्ने जनाएको छ । मुसामा गरिएको अध्ययनमा मुटुको धमनी बन्द भएका मुसाहरूमा पानीसँग दुई हप्तासम्म अनार खान दिइएको थियो । जसले कोलेस्ट्रोलको तह बढायो जुन कम घनत्वका लिपोप्रोटिन साइजसँग सम्बन्धित थियो, त्यस उपचारले मुटुका धमनीहरूको दुवै मुखहरू खोल्न पुग्यो र बन्द धमनी खुला गर्दै लग्यो । यसरी अनारको प्रयोगले धमनीहरू सफा र खुला राख्ने कुरा अध्ययनकर्ताहरूले पत्ता लगाए । यसबाट नै अध्ययनकर्ताहरूले निम्न फाइदाजनक प्रभावहरू प्राप्त गर्न सफल भए ।
–अक्सिडेटिभस्थितको तहलाई घटाउन सफल भएको ।
–नली तथा धमनीहरूमा घाउखटिरा निर्माण गर्ने मोनोसाइटिक केमोट्याक्टिक प्रोटिन–१ लाई कम गर्न सफल ।
– हृदयका अंगहरूमा चिल्लो तरलपदार्थ जम्मा हुने प्रक्रियालाई कम गर्ने ।
– हृदयमा वृहत्रुपमा नछानिने पदार्थहरूको प्रक्रिया घटाउन ।
– हृदयका अंगहरू अनावश्यक वृद्धि हुन रोक्ने ।
– इ.सी.जी का समस्याहरूलाई कम गर्न ।
अनारको प्रयोगले निम्न रोगहरूबाट बच्न सकिन्छ ।
घाउखटिरा नास : अन्य विभिन्न रोगहरू जस्तै अनारले सुजन, घाउखटिरा नास गर्दछ जुन हृदयसम्बन्धी रोगहरूसँग सीधा सम्बन्ध राख्दछ ।
रक्तचाप घटाउन : अनारको जुसले एन्जियोटेनिसनलाई इन्जाइममा परिवर्तन गरी रक्तचापलाई घटाउन कार्य गर्दछ । साथै यसले हृदय धमनीहरूमा अनावश्यक तनाव उत्पन्न हुन दिँदैन ।
इन्फेक्सन विरुद्ध : धमनीको तहमा हुने भाइरल तथा विषाणु इन्फेक्सन, हेपाटाइटिस सी आदि रोगमा यसले विरुद्धको काम गर्दछ र धमनी स्वस्थ राख्दछ ।
एन्टीअक्सिडेन्ट : रगतमा रहेका लिपिड(चिल्लो तरल पदार्थ)हरूले हृदयरोगहरूमा अक्सिडेन्टमार्फत बढावा दिने गर्दछ । अनारले रगतमा अक्सिडेटिभ स्टे«स(तनाव)लाई घटाउने पाइएको थियो ।
