श्रीमतीलाई सुन्दरी बनाउन खोज्दा…!

 आफ्नी श्रीमतीलाई श्रीमानहरूले खासै मायाँ गर्दैनन् भन्नेका लागि यी व्यक्ति उदाहरण बन्न सक्छन् । यी पत्नी प्रेमी श्रीमानको कार्य गलत त थियो नै तर यो उनको श्रीमतीको लागि थियो । हो, भारतको छत्तीसगढका यी व्यक्तिले आफ्नो श्रीमतीलाई ब्यूटी कम्पिटिशनमा जिताउनका लागि कपडाको शो रुमबाट साडी चोरी गर्न बाध्य भएका थिए । श्रीकान्त नाम गरेका ३२ बर्षका ती व्यक्तिले आफ्नो श्रीमतीलाई स्थानीय ब्यूटी कम्पिटिशनमा जिताउन एउटा कपडाको शो रुममा छिरेर साडीहरू चोरेका थिए । त्यही चोरिएको साडी लगाएर उनकी श्रीमती प्रमिला कम्पिटिशनमा पुगेपछि यो कुरा बाहिर आएको थियो । पछि कपडा शो रुम मालिकले थाहा पाएपछि प्रहरीलाई खबर गरेका थिए । अझ गजबको कुरा त के छ भने, श्रीकान्त एक सरकारी शिक्षक हुन् । प्रहरीले अहिले श्रीकान्तलाई सोधपुछका लागि पक्राउ गरेको खबर छ ।