प्रधानमन्त्रीलाई भौतिकको भाउन्न

काठमाडौं । नेपाली कांग्रेसका सभापति शेरवहादुर देउवा प्रधानमन्त्री भएको २०७४ असार २५ गते ३३ दिन पूरा भएको छ । तर, २०७४÷०२÷२४ मा गठन भएको सानो संख्याको मन्त्रिपरिषदले एक महिना बित्दा पनि पूर्णता पाएको छैन । प्रधानमन्त्री देउवाको असक्षमताले आपूर्ति, उद्योग, ऊर्जा, कृषि विकास, खानेपानी तथा सरसफाई, जनसंख्या तथा वातावरण,  पशुपंक्षी विकास, भूमिसुधार तथा व्यवस्था,  भौतिक पूर्वाधार तथा यातायात, महिला, बालबालिका तथा समाजकल्याण, युवा तथा खेलकुद, रक्षा, वन तथा भू–संरक्षण, वाणिज्य, विज्ञान तथा प्रविधि, शान्ति तथा पुनर्निर्माण, संस्कृति, पर्यटन तथा नागरिक उड्डयन, सहकारी तथा गरिबी निवारण, सामान्य प्रशासन, सिंचाइ, सूचना तथा सञ्चार र स्वास्थ्य मन्त्रालयलगायतका २४ मन्त्रालय मन्त्रीविहीन भएका छन् । यी मन्त्रालयबाट संक्रमणकालीन अवस्थामा रहेको मुलुक तथा संघीयतालाई कार्यान्वयन गर्न हुने भूमिकाहरूलगायत अति आवश्यक कामहरू ठप्प पनि छन् । 
किन हुन सकेन मन्त्रिपरिषद् विस्तार ? 
अर्बौंको ठेक्का पट्टा लगाउन पाईने र खर्च पनि अर्बौं अर्ब हुने अनि कमिशन पनि करोडौं खान पाइने भौतिक पूर्वाधार तथा यातायात मन्त्रालयको भागबण्डाका बारेमा कांग्रेस, माओवादी, विजय गच्छेदार, उपेन्द्र यादवकाबीच हानथाप मात्र होइन झगडानै हुने गरेको खबर छ । अर्को आकर्षक उर्जा मन्त्रालय पनि कसले पाउने भन्ने झगडा चलेका कारणले मन्त्रिपरिषद् लामो समयसम्म विस्तार हुन सकेको छैन । शेरबहादुर, रामचन्द्र पौडेल, प्रचण्ड र आरजुलाई पनि भौतिक पूर्वाधार, उर्जा मन्त्रालय आफ्नै कब्जामा राख्नै पर्ने अड्डीका कारण मन्त्रालय बा“डफा“डको झगडाले गर्दा मन्त्रिपरिषद् विस्तार हुन ढिला भएको कांग्रेस स्रोतले बतायो ।