‘शान्ति प्रयास’ अभ्यासमा, २२ राष्ट्रका सेना सहभागी हुने (विज्ञप्तिसहित)

काठमाडौं । नेपाली सेनाले बहुराष्ट्रिय सैन्य अभ्यास ‘शान्ति प्रयास’ फागुनमा संचालन गर्ने भएको छ । 

शान्ति स्थापनार्थ सहभागी हुने फौजको पेशागत दक्षता तथा आपसी समन्वयात्मक क्षमता बढाउने उद्देश्यले आयोजना हुने विभिन्न राष्ट्रका सेना सहभागी हुने सो अभ्यास फागुन ८ गतेबाट  सुरु हुने एक विज्ञप्तिमार्फत सेनाले जनाएको हो । 

अमेरिकाको ग्लोवल पीस अपरेसन इनिसियटीभको सहयोगमा संचालन हुने चौथो संस्करण फागुन २१ गतेसम्म सञ्चालन हुने छ । अभ्यासमा नेपालसहित अमेरिका,अस्ट्रेलिया लगायत २२ देशका सेना सहभागी हुने सेनाले जनाएको छ । 

यसअघि सन् २००० मा नेपालमा पहिलो पटक शान्ति प्रयास सैन्य अभ्यास भएको थियो । सन् २०१३ मा भएको दोस्रो सैन्य अभ्यासमा २३ राष्ट्रका ८ सय ५० र सन् २०१७ मा २९ राष्ट्रका ११३५ सेना सहभागी भएका थिए ।