पोखरा । नेपाल फिजिकल ट्रेनिङ एशोसियसनको केन्द्रीय अध्यक्षमा गोपाल राई निर्वाचित भएका छन् । पोखरामा सम्पन्न पाँचौ महाधिवेशनबाट राई अध्यक्ष पदमा सर्वसम्मत भएका हुन् ।
१३ सदस्यीय कार्यसमिति रहेको एशोसियसनको उपाध्यक्षमा टेकबहादुर गुरुङ, सु.मे. शेरबहादुर गुरुङ र अनिल राई निर्वाचित भएका छन् । त्यसैगरी महासचिवमा हिमालयविक्रम लिम्बू, कोषाध्यक्षमा केहरसिंह गुरुङ र सचिवमा विमानसिं तामाङ निर्वाचित भएका छन । एशोसियसनको सदस्यहरुमा रिजन तामाङ, दयाराम राई, युवराज गुरुङ, गजबहादुर गुरुङ, निर्भिक सुनुवार र हरि थापा निर्वाचित भएका छन् ।
नव निर्वाचित कार्यसमितिलाई निर्वाचन मण्डलका अध्यक्ष एमबी आस्थामगरले पद तथा गोपनीयताको सपथ ग्रहण गराएका थिए । मगरले निर्वाचित कार्यसमितिले संस्थाको हितमा काम गर्नुपर्नेमा जोड दिए ।
