चिनिया विशाल टेलिस्कोपको रहस्य

 चीनमा बनाइएको यो विशाल टेलिस्कोपले एलियनको समेत खोजी गर्न सक्ने दावी गरिएको छ । चीनले सन् २०१६ मा अपार्चर स्फेरिकल रेडियो टेलिस्कोप चालु गरेको थियो जुन विश्वकै सबैभन्दा ठूलो टेलिस्कोप हो । यो विभिन्न आकाशगंगा र ग्रहहरुको जीवनको खोजी गर्न सक्षम छ । त्यसैकारण यसलाई एलियन खोजी गर्ने टेलिस्कोप पनि भनिन्छ । यसमा ४४५० वटा त्रिकोणाकार प्यानल लगाइएको छ जसको लम्बाई ३६ फिट रहेको छ । यो टेलिस्कोप निर्माण गर्न करीब २० अर्ब लगानी गरिएको बताइन्छ । यसको आकार ३० वटा फुटबल मैदान बराबर छ । सन् २०११ मा निर्माण सुरु गरिएर सन् २०१७ मा सम्पन्न गरिएको थियो । हावा, बादलको आवाजको बीच पनि यसले सानातिना आवाजलाई समात्न सक्दछ । चीनको गुझाउ प्रान्तको दक्षिण पश्चिम पहाडमा यो प्रोजेक्ट सञ्चालनमा छ । यसरी निर्माण गरिएको टेलिस्कोप प्रोजेक्टले सन् २०१६ सेप्टेम्बर सम्म ९११० जनालाई विस्थापित गरिसकिएको छ । विद्युत चुम्बकीय तरंगले असर नगरोस् भनेर यसरी विस्थापित गरिएको थियो ।